Մրցունակ թվային շուկայում կարևոր է ունենալ ազդեցիկ առցանց ներկայություն, որը կօգնի առանձնանալ, ներգրավել նոր լիդեր և աճել։ Այս հարցում կարևոր է նաև օպտիմալացնել բիզնեսի Google Business Profile-ը, չէ՞ որ, այն հաճախ է հայտնվում որոնման արդյունքներում, երբ ինչ-որ մեկը որոնում է ձեր բրենդը։ Օրինակ, Google Business Profile-ի միջոցով կարող եք որոնողներին փոխանցել ձեր բիզնեսի մասին կարևոր տեղեկատվություն, որը կբարձրացնի որոնողի հետաքրքրությունը։ Այսպիսով, եկեք ուսումնասիրենք, թե ինչպես կարելի է իրականացել Google Business Profile-ի օպտիմալացում։

 

Google Business Profile և SEO օպտիմալացում

 

Google Business Profile-ն անհրաժեշտ գործիք է հատկապես այն բիզնեսների համար, որոնք ցանկանում են ներգրավել տվյալ տարածքում գտնվող կամ ապրող հաճախորդների: Պարզ և ճիշտ օպտիմալացման շնորհիվ, այն կբարելավի ձեր հնարավորությունները՝ հայտնվելու տեղական որոնման արդյունքներում։ Օրինակ՝ եթե որևէ մեկը փնտրում է «լավագույն սրճարան մոտակայքում», լավ օպտիմալացված Google Business Profile-ը կարող է բարձրացնել ձեր դիրքերը՝ գրավելով ավելի շատ այցելություններ, զանգեր ու հաճախորդներ:

 

Այս ամենը չի սահմանափակվում միայն կայքի տեսանելիությամբ։ Հարկավոր է նաև ապահովել հաճախորդներին արագ տեղեկատվություն, օրինակ՝ ձեր գտնվելու վայրը, աշխատանքային ժամերը, կապ հաստատելու տվյալները և ծառայությունները:

 

Google Business Profile-ի վավերացում

 

Առաջնային քայլը՝ նախքան օպտիմալացում կատարելը, ձեր Google Business Profile-ի վավերացումն է: Մուտք գործեք Google Business Profile-ի կայք, գրանցվեք և հաստատեք ձեր բիզնեսի առկայությունը: Բիզնեսը հաստատելուց հետո դուք կստանաք վավերացման հարցում, որը կարող եք անցնել փոստով, հեռախոսով կամ էլեկտրոնային փոստով՝ կախված ձեր բիզնեսի տեսակից ու գտնվելու վայրից:

 

Վավերացման գործընթացը հաջող ավարտելուց հետո դուք լիարժեք իրավունք կունենաք օպտիմալացնելու և վերահսկելու ձեր Google Business Profile-ը:

 

Լրացրեք ձեր բիզնեսի մասին տեղեկությունները

 

Անհրաժեշտ է տրամադրել ճշգրիտ և ամբողջական տեղեկատվություն, քանի որ դա հաճախորդների համար է և զգալիորեն ազդում է որոնման համակարգերում ձեր բիզնեսի դիրքերի վրա։ 

 

• Բիզնեսի անուն՝ համոզվեք, որ ձեր բիզնեսի անունը համապատասխանում է բոլոր հարթակներում (վեբ կայք, սոցիալական լրատվամիջոցներ և այլն):
• Գտնվելու վայրի հասցե՝ տրամադրեք ձեր ճշգրիտ հասցեն, քանի որ դա օգնում է Google-ին ճիշտ պատկերացնել ձեր բիզնեսի գտնվելու վայրը քարտեզի վրա: Սա հատկապես կարևոր է ֆիզիկական մանրածախ խանութներ ունեցող բիզնեսների համար:
• Հեռախոսահամար՝ տրամադրեք տեղական հեռախոսահամար, որով հաճախորդները կարող են կապ հաստատել ձեզ հետ:
• Վեբ կայք՝ մուտքագրեք ձեր պաշտոնական կայքի հղումը:
• Բիզնեսի կատեգորիա՝ ընտրեք ձեր բիզնեսի ամենահարմար կատեգորիան՝ ուշադրություն դարձնելով ձեր ծառայություններին: Օրինակ, կարող եք դիրքավորվել որպես լավագույն տեղական SEO տրամադրող ընկերություն և անհրաժեշտության դեպքում նաև օգտագործել երկրորդային կատեգորիաներ:

 

Ավելացրեք բարձրորակ լուսանկարներ և տեսանյութեր

 

Դիզայնը և տեսողական բովանդակությունը կարևոր դեր են խաղում հաճախորդների ներգրավվածության և տեղական որոնման բարելավման գործում: Այսպիսով, կարող եք վարձել լուսանկարչի՝ պրոֆեսիոնալ և որակյալ նկարներ ու տեսանյութեր ստեղծելու համար։

 

Հաճախորդներին տրամադրեք ճշգրիտ տեղեկատվություն

 

Հաճախորդների ակնարկները տեղական SEO-ի ամենակարևոր բաղադրիչներից են: Google-ի ալգորիթմն ակնարկները դիտարկում է որպես գնահատման ազդանշան, և բիզնեսները, որոնք ունեն բարձր գնահատականներ և դրական ակնարկներ, ավելի շատ են հայտնվում որոնման արդյունքներում:

 

Օպտիմալացրեք ձեր բիզնեսի նկարագրությունը

 

Google Business Profile-ում ձեր բիզնեսի նկարագրությունը հիանալի հնարավորություն է՝ ցույց տալու, թե ինչու է ձեր բիզնեսն առանձնանում և ինչու հաճախորդները պետք է ընտրեն հենց ձեզ: Օպտիմալացրեք այն՝ հետևյալ եղանակներով.

 

1․ Օգտագործեք գրառումներ՝ հաճախորդներին ներգրավելու համար

 

Google-ը բիզնեսներին թույլ է տալիս ստեղծել գրառումներ, հայտարարել թարմացումների վերաբերյալ, ստեղծել հատուկ առաջարկներ, իրադարձություններ և այլն։ Ժամանակ առ ժամանակ կարող եք օգտվել այս գործիքներից՝ ձեր բիզնես էջն ակտուալ պահելու համար։

 

2․ Օգտագործեք հարցերի և պատասխանների բաժինը

 

Google Business Profile-ում առկա է հարցերի և պատասխանների բաժին, որտեղ հաճախորդները կարող են հարցնել ձեր բիզնեսի մասին: Որպես ձեռնարկատեր, կարող եք նախապես պատասխանել հաճախ տրվող հարցերին:

 

• Նշեք ձեր հաճախակի հարցերը: Նախապես պատասխանեք հաճախակի հարցերին, որոնք հաճախորդները կարող են ունենալ ձեր ծառայությունների, արժեքների կամ այլ կարևոր տեղեկությունների վերաբերյալ:
• Պատասխանեք հաճախորդներին: Երբ հարցեր են առաջանում հաճախորդներից, արագ և օգտակար պատասխաններ տվեք, քանի որ սա նույնպես հաճախորդակենտրոն ծառայությունների անբաժանելի մասն է։

 

3. Հետևեք տվյալներին և կատարողականին

 

Երբ ձեր Google Business Profile-ը լիովին օպտիմալացված է, պարբերաբար հետևեք պրոֆիլի կատարողականին՝ օգտագործելով Insights բաժինը: Այստեղ դուք կտեսնեք, թե որքան հաճախորդներ են դիտել ձեր էջը, ինչպես են նրանք գտել ձեզ և ինչ գործողություններ են կատարել (օրինակ՝ այցելել ձեր կայք, խնդրել ուղղություն կամ զանգահարել բիզնեսին): Այս տվյալները կարող են ձեզ տրամադրել արժեքավոր տեղեկատվություն՝ տեղական SEO ռազմավարությունն ավելի խելամիտ մշակելու համար:

 

Այսպիսով, Google Business Profile-ը սերտորեն կապված է SEO ռազմավարությունների և ձեր բիզնեսի թվային ներկայության հետ։ Որակյալ և արդյունավետ ծառայությունների համար դիմե՛ք Targeting-ին՝ տեղական SEO խորհրդատու և SEO ծառայություններ տրամադրող ընկերությանը, և թու՛յլ տվեք մասնագետներին ապահովել ձեր թվային առաջխաղացումը։