Google-ը հաստատել է Gmail-ի դեսկթոփային տարբերակի վերափոխումը և կիսվել է առաջին սքրինշոթերով:
Նոր առանձնահատկությունների շարքում են՝
- Օգտագործողները կունենան հնարավորություն մուտք գործելու «Smart Reply», որն արդեն աշխատում է Google Inbox-ում և բջջային Gmail հավելվածներում: Ֆունկցիան կներկայացնի ստացված նամակի հիման վրա մի քանի կարճ պատասխաններ:
- Կցված կլինի նաև կողմնակի վահանակ «Օրացույցի», «Առաջադրանքների», նշումների Keep ծառայությամբ և Google-ի մյուս ծրագրերի հետ միասին:
- Նամակների ընթերցումը հնարավոր կլինի հետաձգել. դրանք ժամանակավորապես կանհետանան փոստից և հետագայում կվերադառնան:
- Հնարավորություն կստեղծվի աշխատել նամակների հետ առանց ինտերնետի առկայության:
Որոշ օգտվողներ առաջիկա շաբաթների ընթացքում կստանան նոր ինտերֆեյսից օգտվելու վաղաժամ հնարավորություն:
Հիշեցնենք, որ Google-ը մտադիր է վերափոխել Gmail-ի վեբ տարբերակի դիզայնը. այս մասին հայտնի էր դեռ անցած շաբաթվանից:
Աղբյուր՝ The Next Web
