Search Engine Roundtable-ի գլխավոր խմբագիր` Բարրի Շվարցը, վեբմաստերների հետ հերթական տեսակապի ժամանակ, հարց է ուղղել google-ի առաջատար վերլուծաբան` Ջոնի Մյուլլերին.

-Արդյո՞ք google-ն այլ արգոլիթմ է կիրառում  որոնման առաջին թոփ 10  և մնացած  արդյունքների համար: Ինչու՞ են որոշ կայքեր հարյուրերորդ դիրքից հայտնվում 20-րդ դիրքում ավելի հեշտ, իսկ նրանք, ովքեր գտնվում են առաջին տասնյակում տեղաշարժվում են ավելի դանդաղ, նույնիսկ 5-րդ դիրքից դժվար է տեղափոխվել ` 4-րդ:

Ջոն Մյուլլերը պատասխանել է, որ առաջին 10-ը արդյունքները գնահատվում են նույն ալգորիթմով, ինչպես որ 11-ից 100-ի դեպքում է:

-Գործում է նույն վարկանիշային ալգորիթմը, բայց ի՞նչ է կատարվում․  գոյություն ունի շատ մեծ մրցակցություն արդեն առաջին տասնյակում գտնվող հարցումների միջև, դա է պատճառը, որ դժվարանում է դեպի վերև շարժվելը, իսկ ավելի ցածր դիրքերից առաջ տեղաշարժվելն ավելի հեշտ է և դա բնական է, քանի որ իրենց մոտ մրցակցությունը ավելի քիչ է:

Աղբյուր` Search Engine Roundtable

 

Մեր նախորդ բլոգում խոսվեց «ինչպե՞ս» հարցումների մասին` թե մարդիկ որ հարցերն են ավելի հաճախ տալիս Google-ին: Իսկ այժմ անդրադառնանք Google-ի կողմից վարկանշման վրա ազդող կարևոր գործոններին:

Շատերին վաղուց հետաքրքրում է այս հարցը` ո՞ր գործոնն է իրոք կարևոր` հղումները, կոնտենտը, թե մետաթեգերը: Վեբմաստերներին տանջող հարցի պատասխանը տվել է Ջոն Մյուլլերը:

Twitter-ի օգտատերերից մեկի հետ զրույցի ժամանակ նա հայտարարել է, որ Google-ի կողմից վարկանշման վրա ազդող կարևոր գործոնը որակյալ կոնտենտն է. կայքը գրավիչ կոնտենտ ունենալու դեպքում այն կհայտնվի որոնման արդյունքներում:

Հավելենք, որ նախկինում կարևոր գործոն էին համարում ունիկալ կոնտենտն ու վստահելի աղբյուրներից եկող արտաքին հղումները:

2004 թ.-ից սկսած «ինչպե՞ս» հարցումների թիվն աճել է 140%-ով:

Հաճախ օգտատերերին հետաքրքրում է ինչպես վերանորոգել այս կամ այն իրը: Ընդ որում Ռուսաստանի և Կոլումբիայի բնակիչները հետաքրքրվում են` ինչպես վերանորոգել լվացքի մեքենան:

Այսպիսով, աշխարհում տարածված թոփ 10 հարցումներն են`

  1. Ինչպես կապել փողկապը,
  2. Ինչպես համբուրվել,
  3. Ինչպես հղիանալ,
  4. Ինչպես նիհարել,
  5. Ինչպես նկարել,
  6. Ինչպես գումար վաստակել,
  7. Ինչպես պատրաստել նրբաբլիթ (pancake),
  8. Ինչպես գրել ուղեկցող նամակ (covering letter),
  9. Ինչպես պատրաստել ֆրանսիական տոստ (French toast),
  10. Ինչպես հեռացնել փորի վրայի ճարպը:

Իսկ դուք ի՞նչ հարց կտայիք Google-ին:  😉